Þjáning í sælu
EINSÖNGSTÓNLEIKAR
Dísella Lárusdóttir, sópran
Nína Margrét Grímsdóttir, píanó

Það er löng hefð fyrir því á Reykholtshátíð að halda söngtónleika þar sem einsöngsrödd og píanó fá að njóta sín til fullnustu. Í ár eru það tónlistarkonurnar Dísella Lárusdóttir sópran og píanóleikarinn Nína Margrét Grímsdóttir sem munu gleðja áheyrendur með söng og leik. Dísella og Nína Margrét eru meðal okkar þekktustu tónlistarmanna. Dísella er fastráðin við Metropolitan-óperuna en hefur jafnframt komið reglulega fram á tónleikum hér heima. Nína Margrét hefur víða komið við sem einleikari, kammertónlistarmaður og fræðimaður. Hún er m.a. listrænn stjórnandi Reykjavík Classics-tónleikaraðarinnar í Eldborg í Hörpu. Efnisskrá tónleikanna leiðir okkur í víðfemt ferðalag um Evrópu á seinni hluta nítjándu aldar og fyrri hluta þeirrar tuttugustu.