Nína Margrét Grímsdóttir píanóleikari hefur komið fram á Íslandi, Evrópu, Bandaríkjunum, Kanada, Japan og Kína sem einleikari, með hljómsveitum og í kammertónlist. Hún hefur hljóðritað fimm geisladiska fyrir Naxos, BIS, Acte Préalable og 
Skref sem hlotið hafa lofsamlegar viðtökur gagnrýnenda. Nína Margrét er listrænn stjórnandi Reykjavik Classics í Eldborg Hörpu og Klassík í hádeginu í Gerðubergi. Hún hefur lokið einleikaraprófi frá Tónlistarskólanum í Reykjavík, LGSM diplóma frá Guildhall School of Music and Drama, Meistaraprófi frá City University í London, Professional Studies diplóma frá Mannes College of Music í New York og doktorsprófi í píanóleik frá City University of New York.