Gunnar Andreas Kristinsson (1976) nam tónsmíðar í Reykjavík, Köln og Haag á árunum 1997-2004. Hann hefur samið verk af ýmsum toga, allt frá einleiksverkum til hljómsveitarverka, sem ratað hafa inn á tónlistarhátíðir víðs vegar um heim og verið flutt af ýmsum nafnkunnum tónlistarmönnum/-hópum. Gunnar hlaut Kraumsverðlaunin 2013 fyrir geisladiskinn Patterns og auk þess tilnefningar í flokkunum Tónverk ársins og Tónhöfundur ársins á Íslensku tónlistarverðlaununum sama ár (www.gunnarandreas.com).