Karlakórinn Heimir var stofnaður 28. desember árið 1927 og hefur starfað óslitið síðan. Heimir hefur frá fyrstu tíð verið félagsskapur áhugamanna.

Starfssvæði kórsins er héraðið Skagafjörður á norðanverðu Íslandi, en frá fornu fari hefur verið mikil sönghefð í Skagafirði, bæði tónlist af trúarlegum toga og veraldleg tónlist. Í gegnum tíðina hefur kórinn verið einn af hornsteinum menningarlífs í Skagafirði og haldið árlega fjölda tónleika, bæði innan héraðs og utan.

Auk tónleika víðsvegar um Ísland hefur kórinn ferðast víða erlendis og haldið tónleika t.d. til Kanada, Ísraels, Ítalíu, Rússlands og allra norðurlandanna og kom m.a. fram fyrir Íslands hönd á heimssýningunni í Hannover, Expo 2000, á sérstökum Íslandsdegi þar.

Söngstjóri Karlakórsins Heimis er Stefán R. Gíslason og undirleikari er dr. Thomas R. Higgerson, píanóleikari.