Eliisa Suni hefur leikið víða sem meðleikari í ljóðasöng og einnig í kammertónlist. Hún hlaut fyrstu verðlaun í Kangasniemi keppninni fyrir meðleikara í ljóðasöng árið 1997, þriðju verðlaun í Pentti Koskimies ljóðasöngkeppninni árið 1996 og þriðju verðlaun í Melartin ljóðasöngkeppninni árið 2002. Eliisa Suni lauk meistaranámi í hljóðfæraleik og tónlistarfræðum frá háskólanum í Jyväskylä. Hún stundaði jafnframt nám í píanóleik hjá Ivari Ilja prófessor við tónlistarháskólann í Eistlandi og lauk þaðan námi með hæstu einkunn. Sem stendur vinnur hún sem meðleikari við háskólann í Jyväskylä. Hún leikur ennfremur fyrir óperuna í Jyväskylä. Sumarið 2012 kemur hún fram á Savonlinna óperuhátíðinni í Finnlandi.