Hollenski fiðluleikarinn Lonneke van Straalen leikur reglulega kammermúsík á ýmsum tónlistarhátíðum víðsvegar um Evrópu. Frá árinu 2013 hefur hún verið virkur meðlimur í Splendor, sem er hópur skapandi atvinnutónlistarmanna í Amsterdam. Lonneke er ástríðufullur hljómsveitarspilari og er regulega boðið að leika með Amsterdam Sinfonietta, Fílharmóníuhljómsveitinni í Rotterdam, Hollensku Fílharmóníunni, Hollensku kammerhljómsveitinni og konunglegu Concertgebouw hljómsveitinni.
Lonneke er stofnandi og listrænn stjórnandi Amerfortissimo kammermúsíkhátíðarinnar sem haldin er í Amersfoort. Fyrir utan að leika á fiðlu þá skrifar hún handrit að leik- og tónlistarsýningum ætluðum börnum ásamt því að leikstýra þeim og koma jafnframt fram sem flytjandi.