Michael Stirling fæddist inn í tónelska fjölskyldu í London árið 1962. Hann stundaði sellónám við Guildhall tónlistarskólann undir handleiðslu Leonard Stehn og Raphael Wallfisch. Síðar stundaði hann framhaldsnám við Banff Centre í Kanada og undir leiðsögn Lawrence Lesser við New England Conservatory í Boston. Helstu kennarar hans í kammertónlist þar voru Louis Krasner, Eugene Lehner (Kolish Quartet) David Takeno, Hans Keller, Colin Carr og Bernard Greenhouse. Frá árinu 1989 til 1997 var Michael sellóleikari í Ensemble Modern í Frankfurt í Þýskalandi. Einnig var hann meðlimur í Raphael Ensemble (strengjasextett í London) sem tók upp fjölda geisladiska fyrir útgáfufyrirtækið Hyperion. Árið 1997 gekk hann til liðs við Brindisi kvartettinn í London, þar sem hann var í níu ár. Á þessum tíma var hann gesta- sellóleikari í mörgum kammerhópum og gesta-leiðari í hljómsveitum. Meðal þeirra voru Enska Kammersveitin og Skoska kammersveitin. Michael flutti til Amsterdam árið 2004 og gerðist leiðari í sellódeild Útvarpshljómsveitarinnar í Hollandi sama ár. Hann hefur verið gestur í Kammerhljómsveit Evrópu til fjölda ára.