Auður Hafsteinsdóttir fiðluleikari, lauk einleikaraprófi frá Tónlistarskólanum í Reykjavík árið 1983 aðeins 17 ára gömul. Hún lauk B.M. gráðu með hæstu einkunn frá New England Conservatory í Boston árið 1987 og Master of Music gráðu hjá hinum virtu Almita og Roland Vamos árið 1991. Auður hefur hlotið fjölda viðurkenninga fyrir leik sinn. Árið 1985 fékk hún C.D. Jackson verðlaunin sem framúrskarandi strengjaleikari á hinni alþjóðlegu tónlistarhátíð í Tanglewood og 1988 fyrstu verðlaun í The Schubert Competition.((Árið 1991 var Auður valin borgarlistamaður Reykjavíkurbogar til þriggja ára og árið1996 voru henni úthlutuð listamannalaun til þriggja ára frá menntamálaráðuneytinu. Auður hefur komið víða fram sem einleikari og í kammermúsik á alþjóðlegum vettvangi, m.a í Bandaríkjunum, Kanada, Japan, Kína og víða í Evrópu. Hún tekur reglulega þátt í tónlistarhátíðum hérlendis og erlendis. Auður er einn af stofnendum pianótríósins Trio Nordica(www.trionordica.com) og er einnig meðlimur í Caput nútímatónlistarhópnum. Hún hefur leikið inn á fjölda geisladiska fyrir innlend og erlend útgáfufyrirtæki m.a. Tutl, Japis, King records, GM redords (USA) og Naxos. Auður hefur fengið frábæra dóma fyrir leik sinn. Hún starfaði í mörg ár sem kennari við Tónlistarskólann í Reykjavík og Listaháskólann Íslands Nemendur hennar þar unnu keppnir og voru í fremstu röð. Hún hefur verið meðlimur í NEC Honors Quartet og NEC Modern Music Ensemble. Auður var konsertmeistari Minnesota Opera 1989-1990. Auður vinnur nú að tvöföldum geisladisk með íslenskri fiðlutónlist frá árunum 1940-2010. Hún er listrænn stjórnandi Reykholtshátíðar, sem er haldin síðustu viku í júlí ár hvert.