Geir Botnen er meðal virtustu píanóleikara Noregs. Snemma sýndi Geir mikla hæfileika og var boðið að leika með Fílharmóníuhljómsveit Bergen. Árið 1982 var honum boðið að taka þátt í Tchaikovsky keppninni í Moskvu, fyrstum norskra píanóleikara. Fyrstu formlegu einleikstónleikarnir hans voru í Osló árið 1988 og hlutu þeir einróma lof. Geir hefur verið einleikari með hljómsveitum víðsvegar um heim; Noregi, Rússlandi, Litháen og Bandaríkjunum og unnið með þekktum stjórnendum á borð við Alan Gilbert, Arvid Jansons, Dmitri Kitayenko og Edward Serov. Sem einleikari og kammermúsikant hefur hann leikið í Bretlandi, Bandaríkjunum, Kanada, Frakklandi, Þýskalandi, Ítalíu, Tékklandi, Búlgaríu, Svíþjóð, Danmörku, Finnlandi og Noregi. Árið 1993 lék Botnen opinberlega við opnun 150 ára afmæli Griegs í Noregi og fór í hljómleikaferð til höfuðborga í Asíu. Geir er reglulegur gestur á alþjóðlegu tónlistarhátíðinni í Bergen og hefur einnig leikið á öðrum tónlistarhátíðum, meðal annars, Risør tónlistarhátíðinni, St. Magnus tónlistarhátíðinni á Orkneyjum og víðar. Hann er stofnandi og listrænn stjórnandi Hardingtonar tónlistarhátíðarinnar í Noregi, þar sem tónlist eftir norska tónskáldið Geirr Tveitt (1908-1981) er reglulega flutt. Upptökur hans á verkum Tveitts “Fimmtíu þjóðlög frá Hardanger” ásamt öðrum píanóverkum, fékk frábæra dóma. Hann hefur gefið út geisladiska með verkum eftir Tveitt, Grieg og ýmis kammerverk.