Nigel Nash stundaði tónlistarnám við Háskólann í Bristol og kennir nú bæði á orgel og píanó við Millifield og Badminton skólana.  Hann var skipaður meðleikari Bristol Bach Choir í maí 1998 og hefur síðan þá leikið víða með kórnum, bæði í Bretlandi sem og á ferðalögum erlendis í t.d. París, Oporto, Prag og Dresden.

Árið 2012 gegndi hann tímabundið stöðu aðalstjórnanda Bach Bristol Choir og stjórnaði kórnum á þessum tíma m.a. í St. Mary Redcliffe og St. Georges Bristol.  Nash er um þessar mundir aðstoðarorgelleikari við Dómkirkjuna í Bristol.