Bristol Bach Choir var stofnaður árið 1967 að frumkvæði Alan Farnill og Adrian Beaumont sem þá störfuðu báðir við Háskólann í Bristol.  Á yfir 45 ára löngum ferli hefur kórinn markað sér sérstöðu með söngstíl sínum og því frábæra orðspori sem fer af honum.  Kórinn tekst jöfnum höndum á við barokk- og nútímatónlist, þ.m.t. frumflutning og pantanir á nýjum verkum, og kemur reglulega fram í Bristol og nágrenni sem og víðar.  Kórinn hefur einungis haft sex listræna aðalstjórnendur á þessum tíma en Christopher Finch var skipður sem sjötti listræni sjórnandi kórsins í janúar sl. 

Kórinn hefur hefur farið víða í tónleikaferðalög og m.a. haldið tónleika á Spáni, Frakklandi, Þýskalandi, Portúgal, Tékklandi, Ítalíu og nú á Íslandi.

Sem dæmi um nýlega tónleika með kórnum má nefna Vespers frá 1610 eftir Monteverdi í Dómkirkjunni í Bristol með tónlistarhópnum The Sixteen og Mattheusarpassíuna eftir Bach í Bath Abbey með James Gilchrist, Carolyn Sampson og Michael Chance.