Reykholtskórinn var í upphafi samstarf kóra Hvanneyrar- og Reykholtskirkna á níunda áratug síðustu aldar. Það var fyrir forgöngu Bjarna Guðráðssonar organista og bónda í Nesi í Reykholtsdal. Kórinn hefur sungið við mörg hátíðleg tækifæri, heimsóknir góðra gesta og þjóðhöfðingja í Reykholt, auk þess sem kórinn söng við öll áfangaskil í byggingarsögu Reykholtskirkju.
Þá hefur kórinn ferðast saman til Noregs árið 2004 og til Bandaríkjanna og Kanada árið 2007.
Stjórnandi frá upphafi var Bjarni Guðráðsson en árið 2012 tók Viðar Guðmundsson við kórstjórn en hann hafði verið meðleikari kórsins frá 2001.
Í dag er þetta samstarf kóra frá Hvanneyrar-, Reykholts og Stafholtsprestaköllum.