Hávarður Tryggvason er leiðandi kontrabassaleikari við Sinfóníuhljómsveit Íslands og kennari við Tónlistarskólann í Reykjavík. Hann nam við Tónskóla S.D.K. (Jennifer Ann Davis), Tónlistarháskólann í París (Jean Marc Rollez) og við Tónlistarháskólann í Antwerpen (Etienne Siebens). Í Belgíu var Hávarður fastráðinn í Konunglegu Flæmsku Óperuhljómsveitinni í Antwerpen (VLOS). Hávarður hefur bæði komið fram sem einleikari og verið virkur í flutningi kammertónlistar, m.a. með Caput, Kammersveit Reykjavíkur, RMM og Salon Islandus.