Karlakórinn Fóstbræður hefur um árabil verið meðal fremstu karlakóra landsins og verið mikilvægur þáttur í íslensku tónlistarlífi frá stofnun hans árið 1916. Karlakórahefðin á Íslandi er sterk og gerðar eru miklar kröfur til þeirra kóra sem eru starfandi. Þetta heldur kórnum við efnið og hann leggur mikinn metnað í vandaðan tónlistarflutning og söng. Kórinn kemur fram á árlegum vortónleikum í Langholtskirkju sem ávallt eru vel sóttir. Kórinn hefur tekið þátt í fjölmörgum upptökum fyrir útvarp og sjónvarp auk þess að koma fram ásamt Sinfóníuhljómsveit Íslands m.a. í 13. Sinfóníu eftir Shostkovich, Babi Jar og Oedipus Rex eftir Stravinsky. Kórinn hefur sungið víða erlendis bæði í Evrópu og í Bandaríkjunum. Hann hefur einnig unnið til verðlauna í alþjóðlegum keppnum s.s. önnur verðlaun í kórakeppninni í Llangollen í Wales árið 1972 og þriðju verðlaun árið 1987 í kórakeppninni í Linderholzhausen í Þýskalandi. Fóstbræður unnu gullverðlaun í Alþjóðlegu kórakeppninni ; Musica Sacra í Prag árið 2001. Kórinn hefur komið fram víða erlendis og má þar nefna tónleika í St. Pétursborg árið 2004 og í júlí í fyrra kom kórinn fram á Kristoforo tónlistarhátíðinni í Vilnius í Litháen. Stjórnandi Fóstbræðra er Árni Harðarson.
Leita
Fóstbræður
- Details
- (Flytjendur 2009)