Virtuosi di Praga er ein þekktasta hljómsveit Tékklands og sótti Reykholtshátíðina heim á 10 ára afmæli hátíðarinnar árið 2006. Eins og nafnið ber með sér eru meðlimir hannar allir einleikarar og hafa komið víða fram á tónleikum. Hljómsveitin starfar í smærri og stærri hópum og kemur nú fram sem Kammerhópur hljómsveitarinnar. Leiðari og stjórnandi hópsins Oldrich Vlcek á glæstan feril að baki sem einleikari. Virtuosi di Praga kemur reglulega fram á alþjóðlegum tónlistarhátíðum s.s. Pontes hátíðinni sem haldin er í samvinnu við Sameinuðu þjóðirnar í 7 löndum og á Mozart hátíðinni í Prag. Þeir ferðast víða og hafa komið fram á tónleikum m.a. í Þýskalandi, Austurríki, Frakklandi, Grikklandi,Ástralíu, Japan og á Spáni. Þeir hafa einnig unnið til fjölda verðlauna og hljóðritað yfir 170 geisladiska. Margir þekktir einsöngvara og einleikarar hafa komið fram ásamt Virtuosi di Praga s.s. Placído Domingo, Mstislav Rostropovich, igor Oistrach o.fl.