Lothar Odinius er fæddur í Aachen í Þýskalandi og nam söng við Listaháskólann í Berlín á árunum 1991-1995. Fyrsta reynsla hans á óperusviði var í Óperuhúsinu við Braunschweig þar sem hann söng meðal annars hlutverk Ferrando (Cosi fan tutte) og Tamino (Töfraflautan). Hann hefur verið gestasöngvari við óperuhúsin í Bonn, Mannheim, Kassel og Wiesbaden, sem og í Kaupmannahöfn og Zürich. Í desember 2005 og í janúar 2006 söng hann titilhlutverkið í óperu Mozarts „La clemenza di Tito“ og hlaut mikið lof gagnrýnenda fyrir frammistöðu sína.

Jafnframt óperusöngnum er Lothar Odinius eftirsóttur tónleika- og ljóðasöngvari og hefur unnið með stjórnendum á borð við Adam Fischer, Helmuth Rilling, András Schiff, Heinz Holliger og Sir Neville Marriner. Meðal tónlistarhátíða sem Lothar Odinius hefur komið fram á er Schlossfestspiele Ludwigsburg og Schwetzingen, Mozartvika Salzborgar, BBC Proms og Tónlistarhátiðin í Edinborg, sem og Bach hátíðin í Oregon. Lothar hefur sungið inn á fjölda geisladiska sem bera vitni um breidd hans sem söngvara.